Kap.  Ocarol nagpasalamat

Nagpasalamat si Kapitan Romeo Ocarol sa Pasil ngadto sa kagamhanan sa dakbayan sa  Sugbu gumikan sa nagpadayong  mga suporta niini sa iyang barangay labot na sa pagpang-rip-rap sa daplin sa mga kanal ug kabaybayonan diha sa ilang lugar.

Kini maoy gipahibalo ni Ocarol subay usab sa paninguha karon sa mga kadagkuan sa dakbayan sa Sugbu nga dili mahimutang sa pilegro kadtong mga residente dinhi sa dakbayan sa  Sugbu nga anaa   manimuyo daplin sa mga sapa ug daplin sa baybayon.

Matud pa ni  Ocarol nga mapasalamaton kaayo siya sa mga opisyal sa dakbayan gumikan kay ang proyekto sa pagpangrip-rap sa kabaybayonan sa ilang barangay nga liboan ka mga lumolupyo ang nag-okupar nagpadayon kini hangtud ning panahona bisan pa sa ting-uwan.

Iyang gipasabot nga ang maong proyekto niadto pang bulan sa Marso nagsugod ug gipaspasan usab kini sa dakbayan aron gyud magamit ning panahon sa ting-uwan.

Nunot niini, nakuhaan ang iyang mga kabalaka sa mga emerhensya unya nga mahitabo sama sa pagkusog  sa uwan nga magdala'g bul-og sa baha gikan sa kabukiran  diin anha mosubay sa ilang barangay ug sa kadagatan.

Subay niini, ang ilang mga lumolupyo diha da Pasil kanunay na kini nilang gipa-alerto sa panahon nga mokusog ang pag-ulan labi na gayud kadtong nagpuyo sa daplin sa baybayon nga mohikling gilayon aron malikayan ang disgrasya.