Paggukod sa taxi nga tikasan og mga metrohan ‘hangop sa MCTOA

Si Richard Cabucos ang presidente sa Metro Cebu Taxi Operators Association kun (MCTOA) mihangop sa lakang sa Land Transportation Franchising and Regulatory Board (LTFRB) nga hingusgan   ang pagpang-impound niadtong mga taxi nga masakpang pas-pas kaayo ang mga metrohan.

Matud pa ni Cabucos nga iyang gihangop ang maong katuyoan sa ilang grupo sa ingon mahunong kining mga binuang sa ubang mga operators ug mga drivers nga ni maniobra sa metrohan sa ilang mga taxi.

Sumala pa niini nga ilang gisuportahan ang tinguha sa LTFRB gumikan kay dako kini’g ikatabang dili lang sa ilang grupo lakip na sa uban gumikan kay ang maong matang sa kalihukan maoy nakapadaot sa ilang mga negosyo sa tinarong nga pamaagi.

Hinoon iyang giklaro nga sagad sa pagmaniobra sa mga metrohan sa taxi tua lang kini nahitabo sa kauluhan ug sa pagkakaron wala pa siyay nabantayan niini dinhi sa Sugbu nga ang mga driver ug taxi operators nagkunsabo sa maong pagpanikas.

Matud pa niini nga bisan paman kun wala kaayo dinhi sa Sugbu sa mga report labot niini apan gikinahanglan paigmaton pa unta sa LTFRB ang ilang mga deputized agent aron gyud dili makapalusot ang maong tikasan nga nakadaot sa industriya sa negosyo sa taxi.