Menor nanunggab

Usa ka menor de edad ang nanunggab tungod sa walay hinungdan nga komedya niadtong Huwebes sa gabii diha sa dakbayan sa Lapulapu.

Nakaangkon og samad dinunggaban sa tuong bahin sa iyang buko-buko si Al Bryner Tagalogin Tagobar, 18-anyos, residente sa maong lugar human kini dunggaba sa usa ka 16-anyos nga bata.

Si Tagobar daling gidala diha sa Lapulapu District Hospital apan gibalhin kini diha sa Vicente Sotto Memorial Medical Center niining dakbayan.

Base sa imbestigasyon ni PO3 William Homoc nga si Tagobar ug ang mga amigo sa suspetsado nagbangi tungod sa makairita nga komedya nga maoy hinungdan sa insidente.