Konsehal sa naga gisikop kay nangrakrak
Kanhi konsehal sa milabay’ng napulo ka tuig sa Naga ug sa milabay’ng eleksiyon sa Mayo 14 midagan usab kini isip konsehal sa maong lungsod apan naparot gipasanginlang nangrakrak gamit ang M16 armalite niadtong Miyerkules sa gabii diha sa Barangay Uling sa nahisgutang lungsod.
Sa maong hitabo, ang mga tawo diha sa lugar nagkatibulaag og panagan sa kahadlok nga mangaigo sila sa maong pagpangrakrak.
Nagtingkagol karon diha sa Naga Police Station detention cell si Viteliano Saya-ang, residente diha sa Pangdan, Naga.
Si Saya-ang nasakmitan sa mga polis og
Sila si SPO3 Frederick dela Cruz, PO3 Protacio Tumaquin, PO1 Bernardino Almeda ug PO1 Ken Cabrera ang nakasikop ni Saya-ang.
Si Chief Insp. Anthony Bagarinao, hepe sa kapolisan sa lungsod, mibutyag kagahapon sa Banat News nga si Saya-ang hubog dihang nahitabo ang maong insidente.
Ang mga residente sa lugar mipahibalo sa kapolisan nga si Saya-ang nangrakrak apan walay gikataho nga naigo sa maong hitabo.
Apan matud ni Bagarinao nga ang maong mga pasangil gihimakak ni Saya-ang ug nagdumili usab kini nga magpa-ubos sa liquor test.
Ang Banat News misuway og kuha sa habig ni Saya-ang kagahapon sa buntag apan nagdumili kini og hatag og pamahayag.
Gibutyag ni Bagarinao nga si Saya-ang nahimong konsehal sa lungsod sa milabay’ng napulo ka tuig ug midagan usab kini isip konsehal sa lungsod niadtong eleksiyon ubos sa tiket sa oposisyon apan napildi.
Ang hepe sa kapolisan misalikway sa motibo nga posibleng dunay kalabutan sa politika ang pagpangrakrak ni Saya-ang.
Si Bagarinao midungag nga si Saya-ang nakalapas sa Comelec gun ban tungod kay karong Hunyo 13 pa kini matapos ug gikuhaan usab nila kagahapon og affidavit ang mga saksi sa hitabo para sa dugang kaso nga ilang ipasaka batok ni Saya-ang.
- Latest
- Trending
