Naugdaw ang usa ka balay sa nahitabong sunog sa miaging gabii diha sa Sitio Pokang, Looc, dakbayan sa Mandaue.
Ang nasunog mao ang semi-concrete nga balay nga gipanag-iya ni Felix Lupincao.
Si PO2 Cefriano Codilla Jr., imbestigador sa kabomberohan sa dakbayan nga gikahinabi sa Banat News mibutyag nga ang alarma ilang nadawat alas 8:35 sa gabii.
Ang kalayo sa maong sunog nakontrolar human sa tulo ka minuto.
Matud ni Codilla nga faulty electrical wiring ang hinungdan sa kalit nga pag-ulbo sa kalayo nga nagsugod sa kisame sa kwarto sa balay.
Mikabat sa P100,000 ang danyos sa maong sunog apan walay gikataho nga naangol niini.