Naukay ang mga residente diha sa Sitio Mangal Punta Engaño dakbayan sa Lapulapu tungod sa usa ka patayng lawas sa tawo nga napalgan sa usa ka mananagat diha sa lugar.
Wala nay sinina ug gibana-bana nga nagpanuigon sa 20-anyos ang maong tawo nga napalgan ni Domingo Ente Balcas, 49, usa ka mananagat ug residente sa maong lugar nga naglutaw diha sa dagat tres metros ang giladmon.
Walay nakitang mga samad sa patayng lawas ug gidala kini diha sa Rolling Hills Funeral Services para ma-autopsy aron mapiho ang hinungdan sa pagkamatay niini.