P5-B ADB bonds to bankroll non-concessional lending
Girikomendar karon sa Cebu City Traffic Operations and Management (CITOM) si Konsehal Procopio "Coping" Fernandez nga mamahimong private sector representative sa Citom board.
Kini sugod sa Hulyo 1, human unya sa ikatulo ug katapusang termino sa konsehal nga motapos sa sunod buwan.
Matud ni Citom executive director Arnel Tancinco nga ang ilang rekomendasyon ipadangat na ngadto kang Mayor Tomas Osmeña.
Gawas sa nahisgutang rekomendasyon, ang Citom midayeg usab kang Fernandez tungod sa iyang kakugi ug kaligdong sulod sa unom ka tuig niining pagka-sakop sa Citom board.
Sa iyang bahin nagpasalamat ug gihangop sa konsehal ang gihimong lakang sa Citom board.
Kini tungod sa giingong paghatag og bili niini sa iyang mga natampo samtang nahimong representante sa Konseho diha sa Citom board sulod sa pipila ka tuig.
Andam ang konsehal nga molingkod pagbalik sa Citom board human sa iyang termino isip representante sa private sector.
- Latest
- Trending
