Sitcom

Human sa piniliay sa miaging semana ang mga sakop sa konseho sa dakbayan sa Mandaue ang nakurom na gyud alang sa ilang pagpahigayon og regular session sa miaging Martes.

Nunot sa mao nilang session maoy ilang gituki ang gipalabang nga supplemental budget nga gitumong sa pagpausbaw sa representation and transportation allowance (Rata) sa mga opisyal sa kagamhanan sa maong dakbayan.

Naglakip sa makapahimulos sa pagpausbaw sa Rata nga ilang gigahinan og mokabat sa P738,000 mao ang mga department head ug mga pinili nga mga opisyal sa dakbayan.

Ang maong kantidad ilang pagakuhaon sa surplus nga salapi sa dakbayan gikan sa pundo sa general fund.

Lain  nilang gituki alang sa unang pagbasa  mao ang sulat sa Cebu Boardwalk nga hatagan og pagtugot ang mga PUJ nga molabay sa pagpasakay og pasahero sa reclamation area.

Ang maong lakang sa mga sakop sa konseho maoy pagtubag sa panginahanglan sa gitukod nga  Cebu Doctors College of Nursing nga moabli sa klase sa unang semester karong Hunyo niining tuiga.