You are not your own…You were bought at a price. – 1 Corinthians 6:19-20
Gipamuy-an na og mga squatters ang gi-abandonar nga Unit II sa Carbon public market sa siyudad sa Sugbu, sumala pa ni acting city market administrator Racquel Arce.
Si Cebu City Administrator Francisco Fernandez nga nakahibalo sa maong kalambuan daling mipatawag og
Usa sa gipatawag ni Fernandez mao ang representante sa Young Builders nga maoy mikoral sa palibot sa maong lugar.
Buot tinuon sa city administrator kun gibiyaan na ba sa maong kontraktor ang Unit II human mapakyas pagkumbinser sa city government nga maoy motiwas pagtukod sa nahisgutang merkado publiko.
Lakip sa giimbitar sa nahisgutang tigum mao ang barangay kapitan sa Ermita nga si Emok Rupinta ingon man ang pangulo sa Cebu City United Vendors Association (CCUVA) Maria Pino, ug ang chairman sa kooperatiba nga CEMVEDCO nga si Erwin Goc-ong.
Sumala pa ni Arce nga gustong masayran ni Fernandez kun kinsa ang naghatag og pagtugot sa nahisgutang mga squatters pagpuyo sulod sa Unit II.
Gibana-bana ni Arce nga dili mominos 20 ka pamilya ang anaa na karon sa nahisgutang lugar nagpahimutang.
Ang uban niini gituohan ni Arce nga mga biktima sa sunog sa sayong bahin niining buwana sa duha ka sitio diha sa barangay Ermita.
- Latest
- Trending
