PLCPD, polls and population myths
Si Kongresista Eduardo Gullas nagpasalamat sa tanang misuporta kaniya sa milabay'ng piniliay diin nakakuha siya og taas nga boto batok sa iyang kaatbang.
Matud ni Gullas nga nalipay siya ilabi na sa pagpahigayon sa eleksiyon sa unang distrito diin taas kaayo siya og labaw sa iyang kaatbang nga si Enrique Rama ug Alex Bolongaita.
Sa Minglanilla sa final ug unofficial tally sa milabay'ng adlaw sa partido sa Kampi-Alayon, si Gullas nakakuha og 24,299 nga boto batok ni Rama nga nakakuha lang og 4,000 nga boto.
Sa laing bahin, ang 18,529 nga residente sa dakbayan sa Talisay ang mibotar ni Gullas samtang si Rama nakakuha lang kini og 1,782 nga boto diha sa maong dakbayan.
Ang kongresista mipasalamat usab sa C-CIMPEL, mga madre, pari ug mga lay leader sa gipahigayon niining serbisyo alang sa tunhay nga pagpahigayong eleksiyon.
Ang asawa ni Gullas nga si Norma “Mingming” Gullas gipasalamatan usab sa Kongresista tungod sa mga pag-ampo niini ug ang ilang anak nga si Didi kinsa miserbisyo isip campaign chief ug Konsehal Richel Bacaltos kinsa nangulo sa campaign staff.
- Latest
- Trending
