''Lending facility'' sa mga kawani sa gobiyerno ilusad

Human sa malampuson nga paglusad sa Manila sa miaging Mayo 2 ni Presidente Gloria Macapagal-Arroyo sa Livelihood Lending Facility alang sa mga trabahante sa gobiyerno molusad usab kini dinhi sa Visayas nga may tema nga "Go Negosyo, Go Gobyerno" karong adlawa, Mayo 11 diha sa Cebu International Convention Center.

Ang paglusad sa maong programa makahatag og kahigayonan ngadto sa mga kawani sa gobyerno diin mahimo sila maka-utang pinaagi sa collateral-free livelihood loans sa kooperatiba niini.

Si Presidential Management Staff Director General and oversight official sa Micro, Small ug Medium Enterprises Development Secretary Cerge Remonde miingon nga si Presidente Arroyo migahin og dili mominus P1 bilyones nga pundo alang sa lending facility.

Matud pa nga ipaagi kini og "wholesale lending" diin ang government financing institution sama sa People''s Credit and Finance Corporation, Development Bank of the Philippines, Land Bank of the Philippines, Quedan Corporation, National Livelihood Support Fund ug Small Business Guarantee Finance Corporation isip retail institution niini.

Ang facility lending mitanyag og livelihood loans nga dili mominus P5,000 alang sa tulo ngadto sa unom ka buwan diin adunay posibilidad nga mosaka pa ang loan size niini kun ugaling maayo kini pagkabayad sa utang.

Adunay tulo ka klase ang pagbayad sa maong utang ug kini mao ang group or individual liability, bi-monthly ug monthly.

Matud pa ni Remonde ang programa usa ka "offshoot of the March 8 Womens Day Celebration", diin si Presidente Arroyo midirekta ni Edgar Generoso ang Presidente ug CEO sa People''s Credit and Finance Corporation ug ni Myrna Yao sa National Commission sa Role of Filipino Women nga maoy mangulo sa programa nga gigama sa gobyerno alang sa mga trabahante sa gobyerno.

Sugod niadtong buwan sa Pebrero karong tuiga ang government financing agencies mipagawas og dul-an sa P159.8 bilyones ngadto sa dili mominus 2,613,830 nga aktibo nga kliyente ug nakahatag usab kini og bag-ong trabaho ngadto sa dul-an ka 1,543,833.

"With my interactions with many of the movers of the MSME sector and beneficiaries of MSME programs and services, I have seen the empowering effect that these programs and services have had on the lives of individual Filipino as they provide gainful employment and opportunities for harnessing skills, productivity and self-worth," matud pa ni Remonde

Ang paglusad dinhi sa dakbayan sa Sugbu panguluhan unya sa Philippine Government Employees Association (PGEA), uban sa PMS, ug ubang sanga sa gobyerno nga nalambigit og MSME development ug ubang pribadong sector ug ang Philippine Center for Entrepreneurship (PCE).

Gani ilusad usab ang samang programa sa Mindanao diin adto kini mahitabo sa Davao karong buwana.