Aba-Ako party-list motabang sa coop

Nanawagan karon ang Aba-Ako partylist sa nagkalain-laing ahensya sa kagamhanan sa pagtinabangay ug paghimo''g hiniusang lakang aron mapalig-on pag-ayo ang sektor sa mga kooperatiba.

Si Leonardo Montemayor, ang usa sa mga nominee sa Aba-Ako party list mipasabot nga ang mga kooperatiba dako kaayo og ikatabang alang sa kalambuan sa panginabuhian sa mga molupyo sa nagkalain-laing mga barangay.

Nakita ni Montemayor nga ang kalambuan nga mahimo ngadto na sa hilit nga kabarangayan mao usab ang makatampo alang sa ekonomikanhong nga kalambuan sa nasud.

Gipasabot ni Montemayor nga adunay mga kooperatiba nga natukod sa kabarangayan nga dili gayud makabarog kun dili kini mahatagan sa igong pagtagad sa mga ahensya sa kagamhanan nga mao gayud ang gitahasan sa pagpatuman sa programa kabahin niini.

Nakita sa Aba-Ako party list nga kun mapakita lang sa nasudnong kagamhanan ang ilang pagtabang sa mga kooperatiba mao usab kini ang makadasig sa katawhan sa pagpalig-on pa gayud niini