Duha ka mga batan-on gipamusil

Batan-on gipusil samtang nagmaneho sa iyang motor diha sa barangay Taloot, lungsod sa Argao sa milabay''ng adlaw.

Ang biktima giila nga si Roel Panerio, 24, nagpuyo sa barangay Tulang, lungsod sa Argao samtang ang gikatahapan giila lang nga sila si Lolong ug Toto nga pulos nagpuyo sa barangay Taloot, lungsod sa Argao.

Sa pasiunang imbestigasyon ang biktima nagsakay sa iyang motorsiklo nga padulong mopauli sa ilaha ug nakit-an niya ang duha ka suspetsado nga nagbarog sa kilid sa dalan ug dayon pusil kaniya.

Ang biktima bisan og nakaangkon og samad-pinusilan sa sa buko-buko nakapadagan kini sa motor ug nangayo pakitabang sa barangay Capio-an ug nadala sa tambalanan.

Samtang sa laing bahin usa ka batan-on gipusil sa dihang nagdumili kini sa pag-inom og ilimnon makahubog sa nagpundok nga mga batan-on nga ilang naagian.

Ang biktima giila nga si Jose Amamangpang, 27, nagpuyo sa barangay Libertad, Negros samtang ang kuyog niini nga amigo giila nga si Sergio Derama, nga nagpuyo sa barangay Sulong-ong.