Codilla pakyas sa gasoline accounting

Napakyas gihapon si Cebu City Fire Marshal Ismael Codilla sa pagduso sa mga saktong accounting sa nagasto sa kabomberohan sa dakbayan sa Sugbu hangtod ning mga higayona bisan pa man sa kataas nang panahon nga gihatag kaniya sa Bureau of Fire Protection (BFP-7) pagsumiter sa gikinahanglanong dokumento.

Si BFP-7 regional director Elueterio Iturriaga miingon nga hangtod karon nagpaabot siya sa resulta sa fact-finding committee gikan sa kaulohan batok kang Codilla tungod kay hangtod karon naglibog usab siya kun nganong wala kini makaduso sa gikinahanglanong dokumento gikan sa tuig 2005-2006 ug 2007 lang nga gikan sa tibuok bulan sa Enero ug Pebrero 16 ning tuiga maoy gisumeter.

Dugang pang Iturriaga nga sa ila pa gyud nga pagsobsob nga pagtuki sa mga xerox copy nga dokumento nakabutang nga niadtong Enero 2 ning tuig nakalog-book nga guba na ang usa ka firetruck sa City Fire Department apan nianang pagka petsa 3 sa maong bulan gikargahan og 83 litros nga gasolina bisan pa man kun naglubog na ang maong sakyanan gumikan kay guba ang makina niini. – GPL