Si Rodrigo Nable, residente sa Sitio Sun-ok, Lahug ning dakbayan namatay gyud ug wala na matabang pa sa mga doktor sa Talisay District Hospital diin siya gidala sa mga lifeguard ug mga sakop sa kabomberohan sa Talisay.
Base sa taho sa kapolisan ang biktima uban sa iyang mga paryente nangaligo og dagat diha sa Poblacion
Miabot ang usa ka pumpboat pasado ala una sa hapon gikan sa Hingutanan, Bien Unido, Bohol ug ubay-ubay ang mga sakay niini ug midunggo sa beach resort diin nangaligo ang biktima.
Gikatahong ang biktima nakainom og ilimnong makahubog ug misugat kini sa pumpboat ug mitabang sa pagpakanaog sa mga tawo paingon sa daplin sa baybayon.
Dangtan mga duha ka oras ang operator sa maong pumpboat mipadagan sa wala matinong distinasyon didto sa Bohol ug nakasakay ang biktima.
Matud pa sa kapolisan sa Talisay gituohan sa mga kabanay nga gisultihan sa crew sa pumpboat nga paambakon na lang sa dagat hinungdan nga milayat kini.
Daling mipahigayon og rescue operation ang mga lifeguard ug inabagan sa mga sakop sa bombero sa Talisay apan wala na gyud maluwas sa mga doktor si Nable .