Tax exemption sa mga OFW gitinguhang ipasar ni Defensor

Gipasalig karon ni Team Unity senatoriable Mike Defensor ang pagduso unya og bag-ong balaodnon nga maghatag og tax-exemption o prebiliheyo ngadto sa moabot sa otso milyones ka mga Filipino Overseas Workers.

Matud pa ni Defensor nga ang mao unyang balaodnon maoy makatabang sa mga Pilipino Overseas Workers nga malikay sa mga pagpang-harass sa mga ahente sa Bureau of Internal Revenue nga ipaagi lang sa mga legal nga proseso

Gisalikway usab ni Defensor ang gipahibalo sa BIR nga pa-us-osan niini ang buhisan sa mga OFW nga alang kaniya usa ka minaot nga pamaagi nga wala gyud matuman.

Samtang gipahibalo usab niini nga ang mosunod unya nga kongreso mag-mandu unya sa Philippine Overseas Employment Administration (POEA) pagduso unya''g saktong personal nga kita sa mga OFW nga gitinguha usab sa labor group.

Dugang niini nga gawas sa maong pag-agni sa mga OFW pagsumbong sa ilang financial status dinhi sa nasud makatabang usab kini kanila alang sa pagpangutang sa ilang pohunan alang sa mga livelihood projects.

Kun masayran nga ang mga sakop sa Trade Union Congress of the Philippines misaway usab sa mga OFW ug sa ilang mga pamilya human maglisod kini sa pagseguro sa ilang bank loans gumikan kay wala kini mga income tax return (ITR).

Nunot niini daghang mga OFW nagkaproblema sa ilang housing loans gumikan kay wala silay insaktong dukomento nga ikapakita nga aduna silay katakus sa pagbayad.

Tungod niini si Defensor nagtinguha nga gikinahanglan ang POEA maoy mo-produce og balido nga Personal Income Certificate sa mga individual nga mga OFWs.