Sikyu gipusil sa nag-motor

Namatay ang kanhi security guard dihang kalit lang gipusil kagahapon sa buntag sa duha ka wala mailhing lalaki nga nagsakay og motorsiklo sa Subangdaku, Mandaue.

Ang biktima mao si Mario Ramos, hingkod ang panuigon, ulitawo nga nagpuyo sa Dadoy Compound, dalan Hernan Cortes, Subangdaku, Mandaue sa maong dakbayan.

Si SPO2 Alfredo Andales miingon nga ilang gituohan nga nagkabuang ang mga mamumuno sa pagsibat sanglit giabandonar man ang motorsiklo nga giluwanan kay og mibalhin kini og sakay nga taksi.

Sa nahibaw-an sa Banat News ni SPO2 Andales nga ang biktima kuyog sa pag-umangkon niining batang lalaki nga gikan pa nga nagpabolket sa ligid sa bisiklita.

Nagtuo ang maguwang sa biktima nga si Manuel Ramos nga gun-for-hire ang mga mamumuno nga nagsakay sa motorsiklo sanglit may giduso man kining kaso sa Department of Labor and Employment (DOLE) 7 nga gireklamo mao ang security agency nga gitrabahoan,

Nagdali sa pagsibat ang duha ka mamumuno nga nagsakay sa blue nga Kawasaki nga motorsiklo apan dihang nakamatikod sa nag-siren nga sakyanan sa kapolisan dali usab nga nakaliko sa gamay nga dalan.