ECF sa PWDs giduso ni Defensor

Gihingusgan sa pagduso ni Team Unity senatorial candidate ug kanhi presidential chief of staff Michael Defensor ang konsepto kabahin sa Employees’ Compensation Commission (ECC) alang sa pundo sa special micro-financing program ngadto sa mga dunay deperensiya sa panglawas aron aduna silay kapangitaan bisan og anaa lang kini sa ilang mga balay.

Ang ECC hatagan og pundo gikan sa multi-billion peso Employees’ Compensation Fund (ECF) aron matugotan nga maka-loan ang mga person with disability (PWD) ug makapanginabuhi kini bisan naa sa ilang mga balay.

Base sa ulahing census sa Population and Housing nga gipahigayon sa National Statistics Office, ang nasud adunay natalang 942,098 ka mga Filipino nga PWDs.

Base usab sa maong pakisusi sa NSO nga 45.55 porsiyento sa nahisgutang PWDs ang dunay deperensiya sa ilang mga mata ug mga partial blindness o mga buta ug hanap ang panan-aw.

Matud ni Defensor nga nahimong popular ngadto sa Estados Unidos ug laing parte sa kalibutan ang pagbutang og panginabuhian diha sa ilang mga balay sa mga tawo nga dunay deperensiya sa panglawas.

Sa Amerika mikabat sa 20 milyones ka tawo ang nagtukod og mga gagmay''ng negosyo diha sa ilang mga pinuy-anan.

"People are realizing that running a business from their homes can be extremely gainful. Time wasted commuting from home to workplace can be used productively," ni Defensor pa.

Ang kanhi chief of staff nagkanayon nga ang mga PWDs angayang hatagan og ‘ready access’ alang sa usa ka gamay''ng puhonan nga magamit nila kini sa ilang mga gikinahanglang mga ekipo para sa tukoron nilang panginabuhian diha sa ilang mga pinuy-anan.