42-anyos gipusil sa atraso

Usa ka 42-anyos nga lalaki namatay human pusila sa iyang kaatraso samtang naglakaw paingong pauli gikan sa inom sa miaging gabii sa Sitio Paypay, Consuelo, San Francisco, isla sa Camotes.

Si Joel Akyatan, residente sa maong dapit, namatay human pusila sa ubos sa walang ilok ginamit ang wala matinong kalibre sa armas sa usa ka Harry Padilla, 41, residente usab sa samang lugar.

Human sa hitabo, si Padilla nasikop gilayon nilang SPO1 Danny Arcena ug PO3 Cosme Tampus sa Sitio Campakong, San Isidro sa maong lungsod.

Matud pa ni SPO1 Edwin Cabalida nga dugay nang nagkabangi silang Akyana ug Padilla gumikan kay tulo ka tuig ang nakalabay, ang suspek nanghulam og motorsiklo sa biktima nga dugay kaayong giuli nga maoy hinungdang nasumbagan kini.

Atol sa panag-inom sa duha, na-utingkay ang karaang panagdumot ug miresulta sa pamusil.