Si PO1 Henry Cabrera sa Police Station 1 sa Centro Police Station miingon nga ang gitulis mao ang sari-sari store nga gipanag-iya ni Elina Perez Pepito, 41 anyos, biyuda ug nagpuyo sa maong dapit.
Matud pa ni PO1 Cabrera nga misulod ang wala ilhing lalaki sa tindahan sa biktima ug nagpatuo nga mopalit og bugas.
Dugang pa ni Cabrera nga dihang gihatagan na unta og bugas ang suspetsado kalit lang kining nanion og armas ug mipahibalong tulis.
Gihatag sa biktima ang iyang tibuok halin sa tindahan nga mokabat og P5,000 gumikan sa kahadlok niini.
Si Pepito mibutyag nga nagdali sa paggawas ang tulisan ug iyang nakita nga misakay kini sa nagpaabot nga motorsiklo ug mipahilayo sa maong dapit.