Base sa taho sa kapolisan ang namatay nga abogado giila nga si Atty. Garry Bacolod, hingkod ug kasamtangan nagpuyo sa panimalay ni Boy Espinosa nga nahimutang sa nahisgutan nga dapit.
Usa ka Victor Maglasang ang nitawag sa kapolisan ug nipahibaw nga dunay tawo nga napalgang patay sulod sa panimalay ni Espinosa.
Si P/Insp. Rovic Villarin, chief of police sa Madredijos maoy nangunay sa paghimo og pakisusi may labot sa maong report.
Naabtan ni Insp. Villarin ang patay''ng lawas sa biktima sulod sa gipuy-an niining lawak.
Si Dr. Enrique Sancho ang mihiling sa patay''ng lawas ni Atty. Bacolod ug nasuta nga ang namatyan mao ang Myo Cardial Infraction kun ataki sa kasingkasing.
Gituohan ni Dr. Sancho nga giataki si Atty. Bacolod mga alas 3 ngadto sa alas 4 sa kaadlawon sulod sa iyang kuwarto.
Si Lhea Bautista piniyalan sa panimalay ni Espina maoy nakakaplag sa patay''ng lawas sa biktima nianang pasado alas 9 sa buntag sa miaging adlaw.
Si Dr. Sancho mopahigayon og autopsy sa lawas sa biktima aron pagsigurong walay foul play ang kamatayon niini.