Vice-Gov. Sanchez wala mobilib sa survey diin siya mitumaw nga na-iwit kang Clavel

Wala mabalaka si bise gobernador Gregorio "Gregg" Sanchez sa survey diin nagbitay siya ug nabiyaan na siya sa kaatbang pagka bise gobernador nga si Kongresista Clavel Asas Martinez karong eleksyon sa Mayo.

Matud pa ni Sanchez wala niini hatagi''g gimbug-aton ang maong balita gumikan kay para kaniya usa lamang kini sa propaganda karon sa ilang kaatbang sa politika hinungdan nga kun nag-una man gani si Clavel Mrtinez sa maong survey ila nalang kining i-congratulate.

Si Sanchez miingon nga sa iyahang honest nga opinion siya nakapangutana kun asa gikan o kasaligan ba ang maong survey nga nagbitay siya ni Clavel diha sa Norte o sa South sa lalawigan og layo kaayo ang labaw.

Nunot niini kun tunuod man gani matud ni Sanchez nga pasalamatan nalang niya si Martinez nga nakalabaw sa maong survey apan angayang mahibalo ang katawhan sa lalawigan sa Sugbu nga ang iyang paglingkod sa Kapitolyo pulos lang trabaho ug dili sama sa ilang mga kaatbang nga ang trabaho sa gobiyerno gihimong negosyo.

Gani sa ikaupat nga distrito diin balwarte sa mga Martinez nausab naman karon ang dagan gumikan mayoriya usab sa mga incumbent opisyal anaa kanila nagsuporta.

Samtang solido usab ang suporta sa taga kinto distrito sa One Cebu party hinungdan nga siya makapangutana kun aduna pa bay ika pakitang balwarte ang ilang kaatbang kini tungod kay ang ika-unom nga distrito labaw nang way ikapakitang labok ang ilang kaatbang.