ANAD wala matandog sa saway – Odilao

ANAD party list wala matandog sa mga pagsaway nga giluwatan sa ubang party list batok sa ilang grupo.

Si David Odilao vice-chairman sa ANAD nga gikahinabi sa Banat News miingon nga hayag kaayo ang ilang nakita alang sa ilang grupo tungod sa positibo nga suporta nga ilang nadawat ngadto sa katawhan

Si Odilao mipasangil nga dungay kasuko ang Bayan ug Anakpawis ngadto sa iyang grupo tungod sa ilang laraw nga makab-ot ang tinuod nga demokrasya.

Ang Bayan ug Anakpawis front act lang kini sa mga kumunista ug dako ang ilang pagtuo nga padayon lang gihapon nga nagpaluyo ang mga lider niini.

Gitataw ni Odilao nga ang ANAD party list usa ka pro-democracy ug dako ang ilang pagsupak sa giingong mga kumunista dinhi sa Pilipinas.

Ang Vice-chairman nagkanayon nga ikaduha na kini nilang pagdagan isip party list ug tulo kabuok ang gitinguha niini nga mahatagan og representante ug kini mao ang Luzon, Visayas ug Mindanao, apan nagdumili pa si Odilao sa paghingalan sa tulo ka tawo nga mo representar sa tulo ka lugar.

Si Odilao midungag nga padayon lang gihapon ang ilang pangampanya sa nagkalain-laing lugar dinhi sa Pilipinas.