Si Efren Cesa 24-anyos residente sa Central, Biasong, dakbayan sa Talisay nasikop sa grupo sa PAIDSOFT niadtong Marso 29 sa buntag tungod sa paghupot niini og ginadiling drugas ug gidetiner diha sa nahisgutang detention cell.
Si PO3 Harrison Quiñanola polis sa Talisay mibutyga kagahapon sa Banat News nga miadto siya diha sa ilang sub-station sa city hall diin mahimutang ang ilang detention cell.
Matud ni Quiñanola nga nagkagubot ang mga kaubang priso ni Cesa tungod kay nagtuo kini nga gipatol ang biktima kinsa nangluspad ug wala na magtingog.
Si SPO1 Arturo Andales kinsa duty jailer daling midala ni Ceas diha sa nahisgutang tambalanan apan gideklara kini sa doktor nga patay na sa paghiabot ug posibleng giatake kini sa kasing-kasing.
Ang patayng lawas ni Cesa gidala diha sa Saint Francis Funeral Homes sa Natalio Bacalso niining dakbayan para ipa-autopsy.
Si Quiñanola midungag nga posibleng ang sige og panigarilyo sa mga piniriso ug sa ubang mga polis ang hinungdan sa atake sa kasing-kasing ni Cesa tungod kay ang lugar huom kaayo kini og walay exhaust fan ug ang aso sa sigarilyo naa lang sa sulod magtuyok-tuyok.