Kini ang gitug-an ni Sr. Supt. Carmelo Valmoria, hepe sa Cebu Provincial Police Office (CPPO) sa press conference kagahapon sa udto.
Si Valmoria kinsa maoy nangunay sa imbestigasyon human gitulis sa duha ka armadong tulisan ang Rural Bank of Bacong nagdumili pa sa pagtug-an sa pangan sa usa sa duha ka tulisan nga ila nang nailhan.
Ang usa ka tulisan nga nailhan sa kapolisan pinaagi sa mga empleyado gitumbok dihang gipakitaan sa mga hulagway sa mga notadong tulisan sa lalawigan.
Kombinsido si Valmoria nga ania pa sa Sugbu ang maong tulisan ug dili mga local boys ang mga gikatahapan.
Nagduda ang kapolisan nga gawas sa duha nga nisulod sa bangko dunay laing duha ka mga kauban ang nagsilbing look-out sa gawas.
Gitukod sa CPPO ang Task Force Bacong nga gipangulohan ni Supt. Juanito Enguerra, hepe sa Provincial Intelligence Branch sa CPPO.
Ang Task Force Bacong gilangkoban sa mga sakop sa Theft and Robbery Section sa Cebu City Police Office, LapuLapu City, Talisay City ug TRS sa Minglanilla Cebu ingon man usa ka polis nga nadestino sa Provincial Investigation and Detective Management Branch (PIDMB).
Gipahimangnuan ni Valmoria ang mga tag-iya sa bangko sa tibuok lalawigan sa Sugbu nga magbutang gyud og dili mominos duha ka blue guard gawas ug sulod sa bangko aron malikay sila sa tulis ingon man alarm system ug security camera.
Si Enguerra sa iyang bahin nga nahinabi sa Banat News nibutyag nga nadakpan na kaniadto ang suspek apan nagdumili sa pagtug-an sa pangan.