Ang nalandig sa usa ka pribadong tambalanan giilang si Jepherson Cacho, lumad nga taga Antipolo Hills sa Antipolo, Rizal tungod sa daghang kadaut nga nahiaguman sa iyang kalawasan.
Ang biktima dihang giimbestigar sa grupo ni PO3 Rogelio Nedamo sa Homicide Section mipasangil sa usa ka gwardiya sa Progress Warehouse nga giila niining 'Geo' maoy midunggab kaniya.
Apan sukwahi ang iyang pamahayag sa nadiskubrehan nila ni Nedamo diha sa crime scene gikan sa duha ka gwardiyang nagbantay sa maong bodega nga sila si Roger Romeo, 23, sakop sa Petros Security Agency ug George Manatas.
Matud pang Nedamo nga gitug-an sa duha ka gwardiya nga misaka sa atop sa maong establisamento si Cacho ug kalit nga miambak hinungdan sa mga kadaut nga nahiaguman niini.
Dugang pa sa duha ngadto sa kapolisan nga magul-anon na kaayo si Cacho sukad nga gibuwagan kini sa iyang uyab pipila pa ka adlaw ang mga milabay.
Nunot sa managlahing mga pamahayag sa duha ka gwardiya ug ni Cacho mohimo og dugang imbestigasyon ang kapolisan sa maong insidente .