Libelo vs. Dignos gipasaka na

Ang kasong libelo batok sa kanhi magsisibya sa DyHP nga si Joash Dignos hingpit na nga ipasaka sa korte human masuta sa piskaliya ang lig-ong basehanan nga malisyoso ang mga komentaryo niini.

Sila si State Prosecutor Llena Ipong, Graeme June Elmido ug Allain Gallego maoy mipasaka sa korte libelo nga gisang-at ni Cherryl Ouano.

Sa giduso nga kaso ni Ouano gipadayag niini nga nakahatag og dakong kadaut sa iyang pamilya ang pagpasangil ni Dignos nga gi-"jer jer" siya ni Mandaue City Mayor Ouano nga iyang ugangan.

Gihimo ni Dignos ang malisyoso nga komentaryo sa buntagon niyang programa sa DyHP nga nag-ulohan og Birada niadtong Hulyo 12, 13, 14, 17, 18, 19 ug hangtod sa 21 sa miaging tuig.

"Kinsa kining gikaingon nga chief executive nga mi-"jer jer" sa iyang umagad," nagkanayon si Dignos sa pagbalikbalik niini sa iyang komentaryo sa radyo.

Ang pulong nga "jerjer" gipasabot isip sexual intercourse nga maoy gibasehan nga malisyoso ang maong komentaryo sa maong kanhi magsisibya sa DyHP.