Abogado ok ni Virgie ma-deputy

Pabor si Atty. Vicente Varela ang kanhi Deputy sa Visayas Ombudsman nga si Acting Deputy Ombudsman for the Visayas Virginia Palanca Santiago maoy matudlong permanenting Deputy Ombudsman for the Visayas hulip ni Primo Miro kinsa mibiya sa puwesto gumikan sa kahimtang sa panglawas.

Matud pa ni Varela nga kun siya ang papilion, si Santiago maoy angayan sa puwesto isip bag-ong deputy ombudsman sa Visayas gumikan kay gawas nga senyor kini ug beterano na sa trabaho kugihan ingon man buotan.

Samtang subay niini iyang gidugang nga dili usab siya pabor nga mga tagalog ang ibutang nga deputy Ombudsman sa Visayas gumikan kay ang mga tagalog adunay pagkahambugero ug magpatuo nga sila na lang ang makamao kay sa mga Sugbuanon.

Kun masayran nga gawas sa mga tagalog nga nagtinguha sa nabakanting puwesto tulo ka pangalan sa mga Sugbuanon ang mitumaw karon nga maoy karibal ni Santiago sa maong puwesto una niini si kanhi Regional Trial Court Executive Judge Simeon Dumdum Jr., Judge Geraldine Faith Econg, ug Prosecutor Vicente Mañalac.