Dili 'political strategy" ang extortion nga gipa- siatab ni V. Gov. Sanchez

Gihulagway ni kongresista Clavel Asas Martinez sa ika-upat nga distrito sa lalawigan sa Sugbu nga dili makunsiderar nga usa ka political strategy ang gihimo ni Bise Gobernador Gregorio Sanchez ang pagbutyag nga gikilkilan kini sa duha ka mga abogado sa pasangil nga nanglugos siya sa iyang staff.

Si Kongresista Martinez miingon nga ang kasong rape dili mamahimong himuon sa usa ka political strategy kay rape kini ug gikinahanglan pamatud-an niini o ba kaha ang bise gobernador mismo mao ra gyuy nakahibalo niini kun tinuod ba kining iyang pasangil.

Hinuon si Martnez mipadayag nga dili lang una siya mohatag pa'g dugang komentaryo sa maong kaso gumikan kay gawas nga tua siya sa kauluhan wala pa sab siya makakita o makabasa sa maong isyu hinungdan nga unya nalang kun iyang mahuptan ang maong mga dokumento.

Subay niini si bokal Agnes Magpale kinsa maoy co-chairman ni Gobernador Gwendolyn Garcia sa Provincial Women's Commission miingon nga ang ilang buhatan andam mohatag og igong suporta sa maong babaye human usab mipadayag si Sanchez kagahapon nga iyang i-refer ang maong babaye ngadto sa mga kadagkuan sa (PWC)aron mahatagan og igong pagtagad.

Matud pa ni bokal Magpale nga iyang paabuton karung adlawa atol sa ilang regular nga session ang refferal ni Sanchez sa ingon ilang maaksyunan ang maong problema.

Iyang giklaro nga aduna silay mga kontak nga mga sakop sa non-governmental organization (NGOs) nga makatabang sa counselling ug legal subay sa suporta sa Law Alternative For Womens -Inc.Law Inc.