Naglakip sa tulo mao sila si kanhi Gobernador Vicente dela Serna, Provincial Board Member Gabriel Luiz Quizumbing ug Kongresista Nerissa Soon-Ruiz.
Si Dela Serna kanhi OIC mayor sa dakbayan sa Mandaue ang nahimo usab nga kongresista sa ikaunom nga distrito ug maoy iyang gipildi si kanhi Mandaue City Mayor Demetrio Cortes.
Si kanhi 6th District Representative Efren Herrera nga gikahinabi sa Banat News miingon nga labing maayo nga daghan ang mokandidato alang sa kongreso nga maoy representante sa Mandaue, Lapu-Lapu, Consolacion ug Cordova.
Matud pa niya ang mga lumolupyo sa maong mga dapit adunay kapilian kun kinsa sa mga kandidato ang labing angayan nga modala sa ilang tingog didto sa Kongreso.
Gitataw ni Herrera nga ang ilang pundok nga gipangulohan ni Bise Mayor Norma Patalingjug diin nalakip siya sa line-up alang sa konseho nagsuporta sa One Cebu ni Gobernador Gwendolyn Garcia.
Ang ituboy sa gobernador nga kandidato alang sa pagka kongresista hayan usab nga maoy sagopon sa ilang grupo.
Si Herrera miingon nga pulos lig-on ang magsangka nga kandidato alang sa pagka- kongresista sa ikaunom nga distrito sanglit pulos kini may kaugalingong mga tawo nga nagsuporta sa ilang kandidatura.