Kini maoy tubag ni Kongresista Antonio Yapha sa mga pagsaway ni capitol consultant Atty. Pablo John Garcia nga wa siyay nahimo diha sa ikatulong distrito sa lalawigan sa Sugbu labi na usab sa lakang nga pag-abag sa lungsod sa Balamban aron maduso ang pagkasiyudad niini diha sa Ubos Balay Balauranan.
Si Yapha miingon nga unsaon niya pagtabang sa lungsod sa Balamban nga mamahimo kining siyudad nga wa man gani siya'y nadawat nga (ordinansa) diha sa iya nga gikan sa konseho sa nahisgutang lungsod nga nagtinguha sa pagka-syudad.
Gibutyag na usab ni Yapha kun gusto ni Pablo John nga katabangan ang lungsod sa Balamban lantawon unta niini didto sa kauluhan partikular na sa local finance department aron masuta niini nga bangkarota ang lungsod sa Balamban, kini tungod kay 20 milyones lang ang gidusong income niini niadtong tuig 2005-2006.
Suma pa niini angayang mangutana si Pablo John kang Mayor Alex Binghay kun asa naman ang kwarta sa lungsod sa Balamban diin gipasigarbo niini ang minilyon nga kita gikan sa Tsuneishe Heavy Industry ingon man ang FBM nga tiggama og mga fast-craft.
Dugang niini nga unahon unta pagpasabot sa mga opisyal sa Balamban o ni Binghay kun asa naman ang minilyong income sa maong lungsod gumikan kay usa sa requirement sa pagka-syudad sa usa ka lugar mao nga aduna kini tinuig nga income nga moabot sa 100 ka milyones.