Hepe sa PDPO mihagit sa presidente sa PEACE

Gihagit sa hepe sa Provincial Development Planning Office (PDPO) Adolfo Quiroga nga mosang-at og pormal reklamo si Diosdado Cayme ang kanhi presidente sa Provincial Employee Association of Cebu (PEACE) kabahin sa pasangil niini nga adunay loan shark sa PDPO ang naglihok ug gibaliwala lang sa mga opisyal sa maong buhatan.

Ang maong pasangil gihimakak ni Quiroga tungod kay ang mga kawani diha sa iyang buhatan mga miyembro kini sa Cebu First Instance (CFI) cooperative

Matud ni Quiroga nga walay basihan ang maong pasangil ni Cayme.

Apan si Quiroga mibutyag nga iyang nahibaw-an nga mga Purchased Order (PO) ang kuhaon sa iyang mga sakop ug dili kini ilegal.

Si Quiroga namalibad usab nga wala siya'y kalibutan kabahin sa nadawat nga hulga sa kinabuhi ni Cayme human migawas sa pamantalaan ang isyu sa loan shark.