"I will not dignify his desperation, kuwang lang na siya sa pansin," nagkanayon si Loot nga karon nagkupot na og confidential position sa Kampo Crame.
Matud pa ni Loot nga dili mao ang ebidensiya nga gipagawas ni Benatiro nga momatuod sa iyang pasangil nga nakit-an siya sa mga pulong-pulong sa politika sa iyang pamilya sa lungsod sa Daanbantayan labot sa nagsingabot nga eleksiyon karong Mayo 14 bisan gidestino na siya sa Kampo Crame.
Nagparelibo si Loot isip hepe sa CPPO aron paglikay sa isyu sa umaabot eleksiyon ilabi na nga pinili siya ni Gob. Gwendolyn Garcia nga alalay sa iyang asawa nga si Mayor Maria Luisa Loot.
Si Loot sa sayo pa nihagit nga kon makatumbok si Benatiro og bisan usa ka higayun, lugar, buwan ug oras nga nagkuyog-kuyog siya sa iyang pamilya sa pamolitika, andam siya moluwat isip opisyal sa kapolisan bisan wala pay testigo.
Si Benatiro nipresentar sa media sa usa ka affidavit sa reklamo sa usa ka Gregorio Aragon sa barangay Maya sa giingong pagpanghulga ni Loot niadtong eleksiyon sa tuig 2004.
"Siya nalang ang padagana, ako kalibre dili pang-mayor kay taas pa ko og adtoon," nagkanayon si Loot.
Si Benatiro, kanhi hepe sa Cebu City Police Office, mopapili sa pagka-konsehal ubos sa grupo atbang ni Mayor.