Ban sa tabanog sa kalsada subling ipatuman sa dakbayan — Labella

Gitinguha sa kagamhanan sa siyudad sa Sugbo nga ipatuman ang pag-ban sa kite flying activities kon pagpalupad og tabanog ilabina atol sa summer sa mga barangay dinhi sa dakbayan.

Si konsehal Edgardo Labella tsirman sa committee on laws mopalabang og resolusyon aron i-ban ang pagpalupad og tabanog dinhi sa dakbayan tungod sa nakitang piligro niini ilabina sa mga kabataan nga magdula og tabanog.

Ang pagpalupad og tabanog sagad pagahimoon sa mga bakante ug publikong lugar sama sa public plaza, hawanan sa tunghaan ug simbahan nga makonsiderar nga luwas nga lugar nga pahigayunan sa maong kalihukan.

Apan tungod sa nagkadaghan nga konstruksyon sa mga lain laing edipisyo nimenos na ang mga bakanteng lugar nga pahigayunan sa maong kalihukan hinungdan nga dunay uban nga magpalupad sa ilang mga tabanog diha nalang sa kadalanan himuon.

Tungod niini napanglantawan sa konsehal ang nag-ong-ong nga piligro sa aksidente nga ilang giatubang tungod kay posibling masangit sa linya sa koryente ang mao nilang mga pisi nga ihigot sa tabanog nga piligrong makamatay.

Sentro sa giawhag sa gipasar nga resolusyon sa konsehal ang Association of Barangay Council (ABC) pinaagi ni ABC President Eugenio Faelnar nga maoy mopatuman og ban sa pagpalupad og tabanog dinhi sa dakbayan.