Ang maong insidente gituohang naglambigit sa fraternity war.
Si SP01 Pedro Sucion sa kapolisan sa Presinto 1 sa Centro Police Station miila sa biktima nga si Romeo Russel, 22 anyos, ulitawo ug ang kuyog niini nga si Allan Nuñez pulos lumolupyo sa maong dapit.
Matud Sucion nga ang duha ka wala mailhing mga batan-ong lalaki kinsa nagsakay og motorsiklo ang kalit lang mitumaw ug mipusil sa biktima.
Ang duha dali kining miikyas pahilayo sa lugar human sa maong insidente.
Si Russel daling gidala sa Vicente Sotto Memorial Medical Center niining dakbayan.
Kahinumdoman nga sa miaging gabii diha sa Barangay Looc sa maong dakbayan namatay ang usa ka batan-ong lalaki ug lain usab ang grabeng naangol dihang tulo ka wala mailhing mga kriminal ang kalit lamang usab nga namusil.
Si PO2 Dante Wenceslao nagkanayon nga posibleng fraternity war ang hinungdan sa maong insidente.
Si Wenceslao midungag nga nailhan na nila ang mga suspetsado apan padayon pa sila sa ilang imbestigasyon sa maong insidente.