CDSMP sa Talisay maoy solusyon sa baha

Problema sa mga Talisaynon kabahin sa baha ug pagdahili sa yuta sa diha sa bukirang barangay posibleng masulbad na kung mapatuman na sa siyudad ang Comprehensive Drainage System Master Plan.

Si Christine Homez hepe sa City Planning Development Coordinator mibutyag nga ang siyudad mogahin og P5 milyones nga salapi para sa ilang ipahigayon 12 ka buwan nga pagtuon sa maong proyekto.

Matud ni Homez nga modawat sila og mga outsourcing gikan sa mga ubang mga professional kinsa adunay kasinatian kabahin sa drainage system para makatigom sila og dugang pa nga mga pamaagi ug ideya para magmalampuson ang proyekto.

Karong petsa 20 niining buwana giawhag sa siyudad ang mga engineer ug consultants nga mosumiti sa ilang proposal para makakawhat og hukom ang siyudad kung I-outsource pa ang pagtuon sa proyekto o magkuha ba sila og consultancy firm.

Si Homez midungag nga ang siyudad kuwang og mga kawani para maoy idestino nga mo-focus sa proyekto.