Ang biktima (ngan gipugngan) residente sa 4th street Carmen village Barangay Poblacion nakaangkon og usa ka samad pinusilan sa walang apapangig diin ang bala mi-ungot sa iyang ulo daling gidala diha sa Talisay District Hospital apan pila ka oras ang milabay namatay gyud kini.
Si PO2 Erick Enad, PO2 Harrison Quiñanola uban ni PO2 Joel Rosales ang miresponde sa maong insidente.
Si Rosales sa pakighinabi niini sa Banat News kagahapon nagkanayon nga diha sulod sa balay ni Maximo Bacallan nahitabo ang insidente.
Gibutyag ni Rosales nga ang anak ni Bacallan nga 15-anyos ug ang biktima suod nga managhigala.
Gikataho nga milayas sa ilaha ang biktima tungod kay aduna kini gipangluoran hinungdan nga diha kini temporaryong nagsaka sa balay ni Bacallan.
Nakuha sa mga polis ang nahisgutang pusil nga dunay usa ka kabhang sa bala sa kalibre .38 nga giingong gigamit sa biktima pagpusil sa iyang kaugalingon.
Matud ni Rosales nga walay miangkon kung kinsay tag-iya sa pusil ug mopahigayon sila og follow-up nga imbestigasyon tungod kay natahap sila nga dunay foul play ang maong insidente.