Mga organisasyon ug pundok sa kabataan mosuporta kang Pichay

Mga nagkadaiyang pundok ug organisasyon lakip na mga prominenteng personahe Sugbu mipadayag og pagsuporta sa kandidatura ni Kongresista sa Prospero Pichay ilawom sa Unity Team sa administrasyon diin dunay dakong proclamation rally nga pagahimuon karong adlawa sa Cebu Coliseum.

Lakip sa misuporta sa kandidatura ni Pichay mao ang mga sakop sa Alpha Sigma Omega Fraternity-Visayas, Philippine Surfing Federation and National Chess Federation of the Philippines, kanhi Kongresista Efren Herera sa ikaunom nga distrito sa Sugbu ug negosyanteng si Atty. Jose Mari Lozada sa ikaduhang distrito.

Dugang pa niini mao si civic leader Angelo Balili sa Bohol mipadayag na usab sa iyang pagsuporta sa nag-unang miyembro sa 13th Congress.

Ang Cebu maoy labing unang political salvo gawas sa Metro Manila nga himuon sa Unity Team ni Presidente Gloria Arroyo diin mismong ang presidente maoy mangulo niini karong adlawa.

Ang tibuok line-up sa Unity Team nga langkuban sa 12 ka mga kandidato sa pagkasenador lakip na niini si Pichay pormal nga iproklamar ni Arroyo karong adlawa. Ang Sugbu giisip nga balwarte sa administrasyon gawas sa Pangasinan.

Naggikan si Pichay sa Surigao del Sur, maoy vice chairman sa Committee on National Defense ug House Contingent to the Commission on Appointments sa Ubos Balay Balauranan.

Si Pichay nagtuo nga ang lig-on ug malambuong imprastraktura, kooperatiba, panglawas, agrikultura ug kabataan maoy yawe sa malambuon ug progresibong nasud