Bisan og molupyo sa dakbayan sa Mandaue si Quisumbing apan gipasabot ni Mayor Tomas Osmeña angayan gihapon kining hatagan sa maong pasidungog gumikan kay daghan kini og mga natabang alang sa kalambuan sa syudad sa Sugbo.
Pipila sa gitumbok sa mayor mao ang pag-ayuda sa pamilyang Quisumbing ngadto sa mga foundation dinhi sa dakbayan nga suportado niini.
Giklaro sa mayor nga kwalipikado si Quisumbing sa maong pasidungog tungod kay bugtong gikinahanglan alang ning maong pasidungog nga dunay nahimong hinabang alang sa kaayuhan dinhi sa siyudad bisan pa man og wala kini dinhi magpuyo ingon man wala mahimutang dinhi sa dakbayan ang mga patigayon niini.
Gihimong sanglitanan ni Osmeña mao si Senador Panfilo Lacson nga nahimong adopted son sa Sugbo tungod sa maayo niining performance pagsumpo sa krimen ug pagmentinar sa kahusay ug kalinaw dihang nagsilbi pa kining hepe sa Metro District Command (METRODISCOM) kaniadto.
Gipasabot sa mayor nga nagpamatuod lang kini nga mahigalaon ilabina niadtong mga negosyante silang mga opisyal sa dakbayan nga gitumong pagdani og dugang puhonan dinhi sa Sugbo.