Gipasanginlang 'nananday' giduslak

Usa ka lalaking gipasanginlang nananday sa kapuyo sa laing lalaki ang giduslak og sundang diha sa iyang nawong niadtong milabay'ng gabii sa Escaño Silangan II sa Tejero.

Ang biktima kinsa nakaangkon og samad dinunggaban diha sa walang bahin sa nawong giilang si Claudio Aniel, 22, residente sa maong dapit samtang giila ang suspek mao si Antonio Baron, alyas Tata, usa ka trabahador ug residente usab sa maong dapit.

Sa imbestigasyon nila ni SPO3 Alex Dacua sa Homicide Section mitumaw nga kasamtangang natulog ang biktima dihang nakadungog kini sa panaglalis sa duha.

Giingong nagselos ang suspek ngadto sa biktima niadtong tungora hinungdan sa mainitong panaglalis sa magtiayon.

Si Aniel gikatahong misuway unta sa pag-alam alam sa duha apan niadtong tungura naggunit na og bolo ang suspek dayong maisugong namasangil kaniya og "nganong tanday-tanday man ka sa akong asawa?" dayong duslak sa nawong sa biktima.

Dihang nagkalamok-lamok na sa sulod miikyas ang suspek sa balay ug wala na maabti sa kapolisan samtang si Aniel gidala ngadto sa Cebu City Medical Center.