Sumala pa sa Theft and Robbery Section, kasamtangang giatiman sa duha ka mga kawani sa Asian Spirit ticketing office nga sila si Geraldine Tampus ug Noel Sumira ang misulod nga usa ka lalaking nagpaka-aron ingnong kustomer.
Gikatahong ang maong lalaki gibana-banang may gitas-ong 5'7, slim ang panglawas ug ang usa kasarangan ang panglawas.
Sumala pa sa mga kawani sa TRS nga misulod ang maong lalaki 1:30 sa hapon ug nangutana kung pila ang tiket sa biyaheng Cebu-Manila ug Cebu -Davao.
Samtang giatiman ang maong lalaki kalit nga misulod ang laing lalaki ug dungan silang miibot og pistolang may mga silencers ug mideklarar og tulis.
Giingong nagpailang mga vigilante pa ang duha.
Usa sa mga suspek mimando kang Sumira nga tultulan kini, asa ang vault, dihang nakit-ang nakasirado kini, gimandoan siyang i-set ang security number combination. Dihang nabuksan kini gikuha sa suspek ang salapi sa sulod.
Apan napakyas ang mga suspek sa pagkuha sa halin nga P80 mil diha sa kaha ni Tampus tungod kay mas giuna sa mga suspek ang naa sa sulod sa maong vault.
Gani giingong ang usa sa mga suspek nga mition og pistola kang Tampus misuway og kuha sa cellphone niini apan gihangyo niya kining ipabilin na lang ang simpack.
Nianang tungora gikatahong gibalik sa suspek ang iyang cellular phone. Dayong ikyas pagawas ug misakay og kolor blue nga motorsiklo.
Si Deputy TRS Chief P/Insp. Michael Bastes nagkanayon nga wala makatug-an ang mga kawani kung diin mirumbo ang mga suspek sa pag-ikyas tungod kay sa ilang kahadlok nanago na lang sila sa ilang lamesa.
Matud pang Bastes nga si Sumira nakamatikod nang daan sa usa sa mga suspek nga naglingkod sa kolor blue nga motor nga nagpunay og text samtang misulod ang nag-unang suspek diha sa ilang establisamento.
Matud pang Bastes, 30 minutos na ang nakalabay una sila makadawat sa alarma tungod kay mas giuna pa sa mga kawani og tawag ug pangita ang ilang manager nga wala diha niadtong tungora.