Si Gladdys Sanchez, 47-anyos, residente sa maong lugar daling mitaho diha sa kapolisan sa barangay Poblacion kabahin sa maong hitabo.
Base sa imbestigasyon sa mga polis nga walay tawo diha sa balay ni Sanchez dihang nahitabo ang pagpangawat.
Ang anak ni Sanchez nga si Sildon kinsa gikan sa tunghaan ang unang nakadiskubre sa insidente.
Nabantayan ni Sildon nga nabuak na ang bildo sa bintana sa master's bed room sa ilang balay og nasuta nga wala na ang nahisgutang mga alahas.
Sa laing bahin, kahinumduman nga usa sa dakong problema sa kapolisan sa Talisay ang mga insidente sa lungkab diin mikabat na sa sobra sa milyon ang danyos niini sukad sa milabayng tuig.
Kahinumduman nga si Police Superintendent Romeo Perigo hepe sa kapolisan sa dakbayan nagkanayon nga ilahang gipaningkamutan nga masikop ang mga suspetsado sa pagpanglungkab diin adunay mga menor de edad nga nalambigit niini.
Ang hepe nagpakita sa iyang kasagmuyo tungod kay kung aduna silay madakpang suspek mabuhian lang dayon kini tungod kay ang mga biktima ug mga saksi moatras man sa ilang mga reklamo batok sa mga suspetsado.
Ug ang mga suspetsadong menor de edad dili pweding mapasakaan og kaso.