Giulo pagpusil patay

Patay diha-diha ang usa ka drayber sa traysikol human kini pusila sa iyang duha ka pasahero diha sa sitio Beauty in the Sky, Babag dakbayan sa Lapulapu kagahapon sa kaadlawon.

Ang biktima giilang si William Enghug, 45, ug nagpuyo sa Suba-basbas sa maong dakbayan.

Base sa imbestigayon ni PO3 William Homoc ug PO3 Manolito Abellanosa sa Homicide Section nasayran nga ang duha ka wala mailhing mamumuno luwan pasahero ni Enghug.

Pipila ka mga residente ang nakakita nga mga 2:00 kagahapon sa kaadlawon nahibulong sila sa usa ka masipang buto gikan sa sulod sa usa ka traysikol diin hapit kini mabanga sa usa ka tindahan.

Dali nga mikaratil ug dagan ang duha ka mga pasaherong lalaki nga maoy gituuhang maoy nipusil sa biktima ug sa pagduol sa mga tawo patay na si Enghug nga may agi sa pinusilan sa ulo.

Gisuwayan ug dala sa Lapulapu District Hospital apan gideklarar kini nga dead on arrival sa mga mananambal.