Ang biktima kinsa gideklarar nga dead on arrival sa Carcar District Hospital mao si Benjamin Java 46 minyo ug nagpuyo sa maong dapit.
Ang gitumbok nga midunggab sa biktima mao si Samuel Canencia 48 minyo ug silingan sa biktima.
Si Canencia human sa hitabo misurender sa Regional Mobile Group (RMG) 7 ug gi turn over sa Carcar Police Station.
Si Canencia nga nakuhaan ug pamahayag sa Banat News kagahapon niingon nga niadtong higayona nag-ihaw siya ug kanding sa iyang silingan kay ang anak niini nagsaulog sa adlawng natawhan.
Matud niya dihang naglingkod siya sa bangko sa Kiosko kalit kining miabot ug hait kaayo ug tinan-awan kaniya.
Dugang pa niya ang biktima mikuha og kahoy ug gibunalan siya sa makaduha ka higayon diha sa tuhod ug luko-luko hinungdan sa iyang pagkalup-og sa yuta.
Giusban pa unta siya sa ikatulo apan iya kining nasagang.
Iyang gikuha ang gitakin niyang plamingko nga gigamit niya sa pag-ihaw sa kanding ug gidunggab kaduha ka higayon sa dughan.
"Nakalimot nako sa kaugalingon namulong naman siya daan nga apilon kog patay sa iyang igsuong lalaki kay nag0away mana sila morag nasuko na siya nako sige man ko adto sa ila mao nang iyang kung giapil sa bahad naglikay na gani ko niya"
Human sa hitabo iyang gibilin ang plamingko ug niuli sa balay.
Iyang gisugo ang iyang higala nga adtuon ang RMG 7 kay mosurender siya..
Pagka karon si Canencia gitanggong sa detention cell sa Carcar ug nagpaabot sa tukmang kaso nga ipasaka batok kaniya.