Duha ang patay sa aksidente, usa nila singko anyos

Duha ang namatay sa aksidente usa kanila singko anyos nga batang lalaki ug laing usa ka 17 anyos gikan sa managlahing lugar sa Dumanjug ug Carcar.

Ang singko anyos nga namatay giilang si Bendict Silvano,5 anyos, tinun-an sa Dumanjug Central School ug residente sa Liong, Dumanjug, gitumbok nga nakadasmag kaniya mao si Mathew Wilson Alvarez, 29, taga Tupaz Ronda.

Si Insp. Juan Casipong hepe sa Dumanjug mitug-an ang biktima gihatod sa iyang inahan nga duna say gikugos nga anak diha sa eskuylahan nianang tungura apan wala kini mabantaying mitabok sa dalan ug naigo sa multicab ni Alvarez kinsa gikan sa Ronda.

Ang bata gidala sa Barili Disrict Hospital apan gibalhin kini sa Vicente Sotto Memorial Medical Center apan dangtan pila ka oras namatay kini, ang suspek gibuhian ra usab human sa kasabutang ilang nakab-ot sa ginikanan sa biktima.

Samtang sa Ocaña, Carcar pagkahapon sa samang adlaw usa ka 17 anyos nga lalaki ang naigo sa usa ka Nissan Patrol nga may plakang YAJ-838 samtang kini milabang sa sitio Lagang.

Ang namatay giilang si Reynold Fuertes,residente sa maong dapit samtang gitumbok nga nakadumbol kaniya mao si Edgar Teves,Jr. 31, taga Bong-ao, Valencia sa Dumaguete City.

Matud pang PO3 Reynaldo Fuentes gikan pa sa Sugbu ug padulong si Reves sa Bato,Oslob pabalik na unta sa Negros Oriental dihang nahitabo ang aksidente.

Daling gidala sa Carcar District Hospital apan tungod sa kagrabe sa iyang kadaut sa kalawasan gibalhin kini ngadto sa South General diin siya nakabsi sa kinabuhi.

Ang suspek mitahan apan gibuhian ra usab sa kapolisan human sa panagsabot sa mga kabanay sa namatay.