M/V Dolous, ang Floating Library moabot na ugma

Sulod sa milabay'ng pito ka tuig mobalik na usab dinhi sa Sugbo ugmang adlawa ang M/V Dolous nga gitawag og floating bookstore diin moduong kini diha sa pier uno og magpundo hangtud sa Pebrero 19 sunod buwan.

Ang M/V Dolous natukod niadtong tuig 1914 og duha ka tuig lang kini nga manghud sa Titanic nga barko og posibleng kataposan na kining pagbisita sa Dolous dinhi sa Sugbo tungod sa iyang pagkakaraan. Ang Dolous gitawag nga "Worlds Largest Floating Fair" diin nagdala kini og tunga sa milyon nga libro lakip na niini ang mga libro sa subject nga Science, Education, Sports, Cookery, History, Technology, Photography, Christian Living ug Children's literature nga ibaligya sa ilang pagtadlas sa kalawran sa nagkalain laing lugar sa globo.

Adunay 350 ka volunteers gikan sa 50 ka nasud ang mipuyo ug nagtrabaho sa Dolous.

Sukad niadtong 1977, ang Dolous nakabisita na og sobra sa 100 ka nasud og nakaabi-abi na og sobra sa 19 milyones ka bisita nga mosakay niini.

Dili lang pagpamaligya og libro ang kalihokan sulod sa Dolous, aduna usab kini mga kalingawan nga ipahigayon para paglingaw sa mga bisita.

Ang gustong mosulod sa Dolous mobayad kini og P10.00 nga entrance fee apan libre ang mga bata nga nagpanuigon gikan sa 16-anyos paubos.