Sir Dodong gipasidunggan

Gidawat ni kanhi Kongresista Jose "Dodong" R. Gullas ang pasidungog gikan sa 400-strong members sa Philippine Association of School Superintendent (PASS) atol sa gipahigayon nga annual convention nga gihimo sa Cebu Parklane Hotel sa miaging Miyerkules.

Ang plaque of recognition nga gidawat ni Gullas agi og pasalamat tungod sa iyang pangamahan sa departamento sa edukasyon mahitungod sa payroll regionalization niadtong anaa pa siya sa kongreso.

"Dr. Jose R. Gullas bill on payroll regionalization scheme has benefited almost half million public school teachers and employees nationwide," ang nahibutang sa iyang plaque diin gibasa atubangan kaniya.

Si DepEd secretary Jeslie Lapuz, former OIC secretary Fe Hidalgo ug si Gobernador Gwendolyn Garcia midawat usab sa maong awards.

Ang PASS award maoy ikatulong pasidungog nga nadawat ni Gullas.

Niadtong Disyembre 28, gihatagan usab si Gullas og pasidungog gikan sa schools division of Cebu ug niadtong Enero 10 gikan sa schools division of Talisay City tungod sa iyang pangamahan sa maong balaodnon para sa mga magtutudlo.

Karong adlawa, moatubang si Gullas sa mga miyembro sa PASS isip usa ka guest speaker.

"Many thought it was a dream impossible to bring payroll making to the different regions. I fought though a neophyte congressman for the teachers because despite the strong resistance and litany of roadblock, I never wavered," matud pa ni Gullas.