Kapolisan walay nakitang foul play

Gikonpirmar sa kapolisan diha sa lungsod sa Cordova nga walay foul play ang kamatayon sa usa ka 65 anyos nga lalaki kinsa naghikog pinaagi sa paghigot og pisi sa liog sa miaging hapon.

Ang naghikog giila sa mga polis nga si Manuel Espra, hingkod ang panuigon residente sa Barangay Poblacion sa maong lungsod.

Si SPO1 Florencio Wagwag, polis sa Cordova sa pakighinabi sa Banat News kagahapon mibutyag nga ang insidente nahitabo diha sulod sa kwarto sa gipuy-ang balay ni Espra.

Matud ni Wagwag nga gikatahong adunay sakit sa baga si Espra ug gituohang maoy hinungdan nga naghikog kini.

Si Espra nanirado diha sulod sa ilang kwarto ug nadiskubrehan sa iyang kabanay nga nagbitay na kini og gituohang pila na ka oras ang nakalabay ang iyang paghikog.

Daling gidala diha sa Opon District Hospital si Espra apan gideklarar kini sa doktor nga patay nang nahidangat sa tambalanan.