Ang sunog nahitabo niadtong Sabado sa tungang gabii sa Sitio Balaas, Gimbongkaon, Sibonga.
Mokabat sa P200,000 ang gibana-banang danyos sa sunog nga milamoy sa duha ka andana nga Commercial Building nga gipanag-iya ni Sony Llanos kinsa maoy tag-iya sa Llanos Poultry Farm nga nahimutang sa nahisgutang dapit.
Nadawat ang alarma sa kabomberohan sa Sibonga alas 12:30 sa tungang gabii ug ilang nakontrolar human sa napulo ka minutos apan hingpit gyud kining naugdaw.
Sa gihimong imbestigasyon ni SFO1 Roman Cerenio nasayran nga nagsugod ang pag-ulbo sa kayo ilawom sa silong sa building nga dunay distansya nga upat ka tiil og kalit kining mikuyanap ang kayo ug mikaon sa ubang bahin sa maong building.
"Diha sa floaring sa building nagsugod ang kalayo, elevated about 4 feet ang distansya sa ilawom, open ang ilawom niini walay mga butang ug walay mga sagbot", asoy ni PO3 Ramuel Banogon nga nahinabi sa Banat News kagahapon.
Matud ni Banogon nga duna silay gipang-imbitar nga kanhi mga trabahante sa poultry farm ni Ramos nga posibleng maoy nagsunog aron sukit-sukiton apan pulos kini nanghimakak nga dunay kalambigitan sa maong pagkasunog.
Dugang pang Banogon nga walay nagbantay sa hitabo kay ang tanod nga gipiyalan ni Ramos giingong gipapahawa na kini.
May katahap ang kapolisan nga gituyo kini pagsunog sa wala mailhing tawo nga posibling dunay kalagot sa tag-iya sa farm apan hangtod karon wala pay nailhan ang kapolisan nga responsabli sa maong hitabo.