Matud pa sa tigpamaba sa Summit, Ambassador Victoriano Lecaros, nga human gioktaba gikan niadtong buwan sa Disyembre ang Summit, nadugangan pa gyud og usa ka buwan ang kasikat sa Sugbo ngadto sa ubang kanasuran.
Nasayran nga matag delegasyon sa 16 ka mga nasud dunay kauban nga grupo sa media samtang may mga sakop usab sa media gikan sa mga nasud nga walay delegasyon sa Summit.
"If imo nang bayran, how much it would cost?," nagkanayon si Lecaros atol sa 888 News Forum sa Marco Polo Plaza kagahapon.
Sumala pa ni Lecaros nga bisan wala pa napahigayon ang Summit, nakabintaha nang daan ang Sugbo.
Wala hinoon mohatag si Lecaros sa gidak-on sa gasto sa kagamhanan sa Pilipinas sa pagpahigayon sa Summit apan matud pa niya, dili ikatugbang ang balor usab sa kasikat sa nasud ilabi na sa Sugbo.